مشاريع صغيرة مصرية

مشروع بيع فوانيس رمضان و أماكن جملة لها فى مصر

,
هل رمضان على الأبواب و نقدم لكم اليوم فى كافيه نت واحد من مشاريع رمضان و هو بيع فوانيس رمضان لا تستغرب
فبامكانك كسب و ربح أكثر من خمس جنيهات فى الفانوس الواحد اذا كنت فى مصر و طبعا السعر يختلف فى الدول العربية فيمكنك فى اليوم الواحد بيع ما يقرب عن خمسين فانوس لكن الاهم

فوانيس رمضان

اين تباع فوانيس رمضان جملة

اذا كنت فى مصر فستجدها فى باب الشعرية و العتبة و الموسكى و طبعا كله استيراد صينى الا ان بعض الشباب بدأوا تنفيذ مشروع تصنيع فوانيس رمضان صناعة مصرية اما اذا كنت تريد أن تتاجر فى فوانيس رمضان على توسع يمكن الاستيراد من الصين أو التعامل مع أى شركة توفر لك المنتج المستورد من الصين الى بابك و كله فى مدة أقل من أسبوع  ستجد مئات من شركات استيراد فوانيس رمضان من الصين فبعد دراسة الشركة و تحديدها و توفير الفوانيس لك يمكنك توزيعها على المحلات التجارية و محلات لعب الاطفال و المعارض بسعر مناسب طبعا ستكون ان شاء الله ربحت الضعف لأن الاستيراد أوفر بكثير
توجد تشكيلات كثيرة لفوانيس رمضان لكن عليك أن تعلم أن الشخصيات المهمة و الشخصيات الكارتونية للأطفال أكثر اقبالا و شراء و الكثير يفضل الفوانيس ذات البطارية عن الأخرى التى بالشمع

فانوس السيسى

أين تباع فوانيس السيسى و كم سعرها
نظرا لما حدث فى 30 يوليو اذداد الاقبال على شراء الفوانيس ذات الطابع السياسى مثل فانوس السيسى الذى وصل سعره ل 60 جنيه مصرى و يفضله الكثير و يباع مثله كباقى الفوانيس فى العتبة و الموسكى و باب الشعرية و طبعا الصناعة صينى
 لكن اذا كنت ستقوم بالمشروع بتكلفة بسيطة و حتى لا تملك محل لاقامة المشروع
لا تتعجب أخى منى فيمكن عمل فرشة كبيرة بالاتفاق مع الشخص الذى ستضع الفوانيس أمامه خلال هذه الأيام و أول عشرة أيام فى رمضان لتكفى نفسك بمصاريف الشهر الكريم و كما تعودنا فى كافيه نت فالعمل الشريف لا يعيبه شىء و كل سنة و انتم طيبين

مشروع كل حاجة - أى حاجة بـــ 2.5 جنيه أو بـــ 3.5 جنيه بالتفصيل

,
أذا كنت تبحث عن مشاريع صغيرة مربحة و مشاريع صغيرة مصرية فلك واحد من هذه المشاريع و هو مشروع  كل حاجة بـــ 2.5
جنيه

دراسة جدوى المشروع 

فى البداية و كما ذكرنا فهو من المشاريع المصرية و لا أعلم هل هو موجود عند أخواتنا العرب أم لا  لكن بالنسبة لنا فى مصر فهو مشروع مربح و مضمون بأذن الله و المشروع عبارة عن بيع هدايا و لعب و اكسسوار حريمى و مستلزمات منزلية و مستلزمات مطبخ و كله بسعر موحد بـــ 2.5 جنيه أوبـــ 3.5 جنيه



أهم ما يميز هذا المشروع هو عدم وجود الفصال و هذا الشىء الغريب الموجود فينا كمصريين بيحرج البائع و يضايقه و أحيانا بيغلق بسببه أى مشروع فهنا فى هذا المشروع لا للفصال و لا لأنتهاء فترة الصلاحية ولا للتفتيش و المراقبة

دراسة جدوى مشروع  كل حاجة بـــ 2.5 جنيه أو بـــ 3.5 جنيه

1- محل للايجار فى مكان مناسب و يفضل لو فى هذا المكان حركة للبنات و السيدات لانهم اهم زبون عندك
2-لو حضرتك هتقفى فيه بنفسك يبقى تمام لكن أيضا ممكن أن تقف فتاه باليومية
3- أين تباع بضاعة  كل حاجة بـــ 2.5 جنيه أو بـــ 3.5 جنيه
من أشهر الأماكن للبيع هى العتبة والموسكى و حارة اليهود و يوجد فى درب سعادة محل كبير بيبيع كل أحتياجات مشروع  كل حاجة بـــ 2.5 جنيه  بسعر الجملة
و يوجد أيضا فى النزهة الجديدة الكثير من المحلات التى تقوم ببيع المنتجات الصينية مجرد هتسأل فين ألف مين يدلك
و يوجد فى الأسكندرية فى الزنقة

مشروع بيع الملابس المستعملة - تجارة البالة مثل الوكالة

,
قبل أى شرح للمشروع أبحث فى جوجل عن بيع الملابس المستعملة و لك أن تتخيل أعلان مثل هذا - بلوفرات و تيشيرتات و قمصان
رجالى و ملابس حريمى و ملابس أطفال و شنط و جزم فى شنطة 50 كيلو سعر الكيلو 25 جنية - يعنى بنشترى الملابس المستعملة بالكيلو  و تخيل لو قطعة واقفة عليك ب2 جنية و انت هتبعها بخمسة و لو تستاهل ممكن توصل لعشرة و عشرين  المهم انك تنوى


يعنى ممكن تبدأ مشروعك بألف ألف و نص و تحسن دخلك و تعتمد على نفسك و على فكرة ناس كتير وصلت و معاهم ملايين من المشروع ده و انا أعرف منهم شخصيا الكلام جميل جدا لحد دلوقتى طيب هنعمل ايه خليكوا معايا

كيفية الحصول على الملابس المستعملة البالة

اما انه عن طريق الاعلانات على النت او انك تجيبهم من بورسعيد على هيئة بالات كبيرة و لكن عشان يحصل ده لازم يكون عندك مكتب صغير فى بورسعيد و لو متر فى متر عشان البضاعة تنزل على اسمه و يتم استيراد البضايع طبعا الفرق هيكون كبير جدا لو عملت الخطوة دى عن انك تشترى من الاعلانات لأن بالات بورسعيد برخص التراب
ثانيا  الاتفاق مع ترزى لتصليح اى قطعة فيها عيوب لو سوستة مقطوعة او زراير أو قطعة ممكن تترف و تتعالج حاجاتو هكذا و يبقى أحسن طبعا لو تكويهم عشان ينطقوا   أوكيه و بعد كده اما أنكم تأجروا محل وتعرضوها فيه و طبعا تكتبوا الأسعار بشكل جذاب زى مثلا أى حاجة بخمسة جنية بس جوه المحل تحددوا الحاجات القيمة الى تستاهل أكتر بفلوس أكتر و لازم يكون المحل فى منطقة شعبية لان دول احسن ناس تشترى مجرد بس هتشوف السعر هيبقوا عليك زى النمل او فى مناطق الأرياف و المراكز الناس هناك بتشترى بالسعر الرخيص وو بتتزاحم عليه و ربنا هيوفق طيب لو ما فيش أمكانية لمحل أمامك أقتراحين اما أنك هتشوف شاب مثلا يقف بيهم فى الأسواق و ياخد عمولة فى القطعة أو يومية عادى يعنى أو انك تشد نفسك و تقف أنت بيهم يا معلم و على فكرة الشغل مش عيب و فى الظروف دى الى الكل بيعشها مهما كنت بتشتغل أيه هيترفعلك شابوه  اما عن ديكور محل للملابس المستعملة احنا هنا فى كافيه نت مصممين ديكورات للمحلات جذابة جدا و غير مكلفة تساعد الشباب موجودة فى قسم ديكورات محلات متفرع من قسم الديكور

 

الوسم

أفكار مشاريع صغيرة ناجحة ,جديدة, فرص عمل, مشروع صغير ناجح ,مربح,مشاريع منزلية,تحقق دخل و ربح مضمون,شرح كيفية تسويق المنتجات,مشاريع تجارية,مشروع تجاري, دراسة جدوى مشروع, تجارة ناجحة, تجارة الكترونية, العمل بالمنزل ، مشروعات صغيرة و متناهية الصغر,مشروعات كبيرة، مشروع صغير من المنزل
يتم التشغيل بواسطة Blogger.
جميع الحقوق محفوظة لموقع كافيه نت