-->

مشروع صغير مربح للشباب

,

حجم الخط

مشروع الفكة أو النقود الفضية المشروع ده مش معلوم لكتير مننا وده حصرى لكافيه نت المشروع عبارة عن فلوس مجمدة سيتم فكها
فى البنك الى فكة أو عملة معدنية جنيهات فضة طيب الفايدة فى أيه الفايدة ان أى بنك بيفك لك ألف جنية مجمدة بتحصل على خصم عشرة جنيه يعنى بتدى للبنك 990 جنيه صحيحة بيبدلهم ب1000 جنيه عملة فكة أو فضية طيب بردو الاستفادة فى أيه تخيل انت كام سوبر ماركت و محل و بياعين بيتلهفوا على الفضة







أنا اعرف سوبر ماركت بتغير أو بتفك أربع ألاف جنيه فى اليوم المهم أنت هتروح السوبر ماركت و المحلات و تبدأ تفكلهم و ممكن كمان تسيب ليهم تليفونك عشان لو أحتاجة شغل أكتر يعنى لو نفرض أنك عاوز دخل 30 جنيه فى اليوم يبقى أنت محتاج 3ألاف جنيه ملكك رصيدك عشان تشتغل بيهم هتحولهم فكة و تبدأ تشتغل طب لو عاوز دخلك 50 جنيه فى اليوم يبقى هتحتاج ل5 ألاف جنية و بنفس الطريقة

المهم لكثرة الأسئلة عن عدم توافر البنوك التى تقدم هذه الخدمة
البنزينات بتقدم نفس الخدمة و لكن بشكل أحسن ممكن يوصل ل 20 جنيه على الألف
لو أى شخص بيسأل عن حرمانية المشروع أو انه ربا أو غير ذلك أنا لا أفتى فى الدين لكن أنا برى أنك بتلف و تتعب  و تلف على البنوك و البنزينات من ناحية ثم على السوبر ماركتات من ناحية أخرى و أرى أن هذا مقابل جهدا و يجب علينا معرفة الربا فعلا و مواضعه حتى نحكم لكن انا ارى الكثير يعمل بهذا المشروع

12 التعليقات:

  1. مشروع هائل جدا والله انا ناوي اجربه

    ردحذف
  2. معتز3:27 ص

    مش فاهم ازاي 90 و يدهملي الف

    ردحذف
  3. بمعنى انك بتفك من البنك 100 جنية صحيحة ب 110 فضة أو 90 جنيه صحيحة ب 100 جنيه فضه على حسب كل بنك

    ردحذف
  4. غير معرف12:53 ص

    انا مش عارف اذا كان الموضوع ده حقيقي ولا لأ بس انا لما اتصلت بأقرب بنك ليا قالى ان الكلام ده مش حقيقى والــ 100 بتفكها ب 100 جنيه باردوا مفيش تغيير يا ترى فى بنوك محدده هى اللى بتعمل ده ولا ايه ياريت الاقى رد

    ردحذف
  5. الموضوع ده عشان أكون صادق معاك من 6 شهور تقريبا و عن تجربة ناس أمامى كان شغال فى مصر لكن اليومين دول معرفش و يمكن فعلا يكون لبعض البنوك فقط لكن ذى ما ذكرت من 6 شهور أنا قابلت ناس شغاله فيه و هو ده مشروعهم الأساسى لكن يا أخى كونك تعمل مشروع ده أمر يجعلك أنسان مخاطر و تحب الوثوق بنفسك و بناء أرض ثابته لك و لذا يتطلب منك بعض الجهد بالمصرى كده دعبس و أسأل عن البنوك الى بتعمل كده و ربنا هيوفقك [أذن الله أو شوف مشروع أخر يناسبك و يكون مضمون بارك الله فيك

    ردحذف
  6. حسام المصري8:18 ص

    انا من فترة كنت هعمل المشروع ده بس المشكلة دلوفتي في ناس محتقرة الفلوس الفكة يعني اي واحد هيروح البنك مش هيدولو حاجة في رجال اعمال هي اللي بتوزع الفلوس ديه علي اللي عايز بنسبة ااصغر من البنك الاستغلال في كل حاجة

    ردحذف
  7. محمد محمود9:29 م

    طيب يا جماعة حد يدلنا اذا كان لسة فى بنوك بتعمل ده من غير رجال الأعمال ولا لأ , ولو مافيش مين ممكن الاقى عنده الموضوع ده بنسبة اصغر يعنى اخد من مين ومين يقدر يفدنى اكتر فى الموضوع ده ارجوكم السرعة فى الرد للضرورة

    ردحذف
  8. أخى الكريم أنا أعرف أن البنوك هى الى بتفك و ليس رجال الأعمال لكن سأختصرلك حل ممكن تذهب لأى سوبر ماركت قريب منك و تكون عامل معاه صداقه بعض الشىء و أسأله عن الشخص الى بيوردله الفضة و حاول تستفسر من الشخص ده اقصد مورد الفضة لكن عرفه أنك هتعمل المشروع ده فى مكان تانى خالص عشان ما يظنش أنك هتنافسه فى السوق وللعلم كل السوبر ماركت لابد و أن تتعامل مع شخص يورد لها فضة ده شىء ثابت و بالتوفيق اخى الكريم و لا تتردد فى سؤال و لو لعاشر مرة هذا موقعك و نحن ملزمين بالرد عليك فهذا فرض

    ردحذف
    الردود
    1. طب ينفع تكتب اسم البنوك النتا بتتعامل معاها

      حذف
    2. للأسف البنوك لغت الموضوع ده و دلوقتى موجود فى الكثير من البنزينات

      حذف
  9. غير معرف7:29 م

    طيب لو عاوز مشروع ابدا بيه كموزع تنصحونى بايه ويكون على قد المبلغ اللى معايا واكبر بيه انا معايا الف جنيه

    ردحذف
  10. ممكن توزع كروت و بطاقات شحن الموبايل ع المحلات و هتجدها بالتفصيل فى مشاريع جديدة للشباب

    ردحذف